نكت

نكت


مرة ولد صغير سأل والده: باب انت جبتني ازاي؟ قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة وجدناك. ففكر الابن فيها "إيه لو أبقي أب من الأن" فجاب شوية سكر و وضعهم تحت السجادة صحي تاني يوم وجد صرصور فقال:"لو ماكونتش ابني انا كنت قتلتك



مدرس انجليزى بيسأل تميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.

"شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!


واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش"

واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد....

واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت

زوجة ماشية فى عزاء جوزها وعمالة تصوت وتقول يا حبيبى يا جوزى .....واتنين رجاله ماشيين شايفنها، واحد بيقول للتانى ياسلام شايف الست دى بتحب جوزها قد ايه!! قاله ياراجل انت بتصدق الحاجات دى ، طب استنى هاوريك وراح ورا الست وقال.....ياجميل يا عسل أخ لو تقولى ساكن فين أتجوزك بعد الأربعين على طول ؟؟ ..الست ردت : يا حبيبى ياجوزى يالى مسكنى فى مساكن الروضة عمارة 37 تانى شقة على اليمين

مرة واحد زهقان من نفسه جدا فقرر انه يتمشي علي البحر وهو بيتمشي لقي

زجاجه ففتحها راح طلعله عفريت قاله شوبيك لوبيك تطلب ايه

قاله ابوس ايدك انا خاطب ليا 5 سنين وعاوز اتجوز ومش لاقي شقه عاوز شقه

راح العفريت ضاربه بالقلم وقاله هو لو انا كنت لاقي شقه كنت نمت في
زجاجه يا حمار

تنين مساطيل راكبين عربية خبطوا واحد فالسائق بيقول للى جنبه انزل شوفه مات ولا لسه قاله السكران التانى تعالى يمين شوية..أيوه.. شمال شوية.. أطلع لقدام... بس كده مات

كسلان داخل الامتحان, وقع منه القلم، سلم الورقه

راجل بيقول لمراتة مش قولتلك ياست انتى تصحينى الساعة 6 قالتله معلش ياحبيبى اصلى جيت اصحيك لقيتك نايم .

بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد


سكران سال مصطول قال ايه اسم اخوانك ؟؟

قال:كلهم محمد الا خالد اسمه فيصل


بلدياتى عنده لدغة في حرف الشين فمثلا لما يقول شارع يقول ششششششششششارع فيوم راح يشتري شاورما فسار من بداية الطريق يقول ششششششششششششش إلين ما وصل المحل قال للرجل ششاورما قام قال الرجال نعم عاوز ايه قاله ربنا ياخدك أديني واحد همبرجر


مرة واحدة عجوزة خيروها بين الجوزا والحج وطت راسها مكسوفة قالت يعنى هى مكة هتطير

شوكتين وقعوا فى الارض واحدة رنت والتانيةبعتت كلمنى شكرا




مرة واحد ماشي بالشارع وقع منه ربع جنيه ولع ورقة بعشرة جنيه عشان يدور عليها