نور عني
--------------------------------------------------------------------------------
قال ياعمري طلبتك بالغزل تكتب قصيده .......... سمها نور العيون ومبتداها منتهاها
اكتب وفيني تغزل هات من وصفك جديده..... ودي آصل في حروفك حدها وابقى معاها
قلت يانور العيون الشعر كاساته فريده.... من بحور الشعر نشرب مير مانروي ضماها
الهنوف اللي هجدني حبها والله عنيده .......... فعلها قتل القلوب وبالحلا ربي كساها
الدلع والزين كله يكتمل فيه ويزيده ...........آيه لاجت تمشي كلنا نمشي وراها
العليل اللي تداوى طبها حاله سعيده ... .. نورت فيه الحياه و ورده سنينه سقاها
والشفاه اللي يذوب صلوها بارد جليده ..... والجليد اللي تحضن جمرتين من اشفاها
ضمني غلطة جنون وقل يالله لا تعيده ....... ضمني لعبة صغير ضمها ساعه لقاها
سمني مصدر مؤول صار في جمله مفيده ..... او بعد كلمه احبك وانت اول من قراها
اطوني في بحر حبك طوية اوراق الجريده ...... كنك اللي لا قراها وانتها منها طواها
هيه يانور العيون القلب عبدك وانت سيده ..... والقصيده فيك تقصر واعتذاري مبتداها
المهم اني حبيبك سو فيني ما تريده ..... وانت ياعمري فديتك غايه الروح ومناها
موضوع: نور عني 
السبت أغسطس 21, 2010 8:12 am
