لعبة الدامــه

لعبة الدامــه

--------------------------------------------------------------------------------


بسم الله الرحمن الرحيم



يقولون اللذي يهوى غرق واغتر بوهامه
عيونه تصدق النظره وعين الناس كذبها
يصير الزين في خله لزيم وثاني اتوامه
قمر يمشي محد يمه ديار الشين عاقبها
خفوق الي هوى شخصن عمى وانسد صمامه
عن اهروج الملا والنصح والفود وقرايبها
حقيقه قالها منهو يهيم بحب غرامه
تولع في وصوفن معجبن فيها ومعجبها
لقيته فارس احلامي لقاني فارس احلامه
لقيته نور هالدنيا لقاني من عجايبها
لقيته ريحت الدنيا لقاني اروع انسامه
لقيته فرحت الدنيا لقاني من طرايبها
لقيته اعذب اشعاري لقاني مبدع الهامه
لقيته من زلال الما لقاني من سحايبها
اقيس الوقت باللحظه اقيس وصرت رزنامه
احسب للقا وانتم تبوني ما اقاربها
لو الشيطان يتوظى يتوب ويعلن اسلامه
ولو الدنيا تهد الناس ثم تترك مصايبها
ولو ان المعتمر يسعى يطوف وتارك احرامه
واشوف القدس ماتبكي وفكت من حرايبها
بذاك الوقت كان امدى اجي واهزز الهامه
وابعد وابتعد وانظر متى تقفي ركايبها
حشى لله مستهزء يجل وتشكر انعامه
ولاكن اقصد العاذل ابي روحه يانبها
ابي يبعد ويتركني يرد اللحم لعظامه
ابي يبعد ويتركني خلاص الروح عذبها
يكسرلي مجاديفي واعيد واجمع احطامه
تعاندي عباد الله تناشبني واناشبها
اشوفه ورد ياعالم الا يازينه اللثامه
حبيبي عمري الغالي زهور الورد يجذبها
وصرت امن اللذي ناظر تفرج لعبة الدامه
يشوف اشياء ماتطري على من كان يلعبها